संस्थाको परिचय

अन्तर्राष्ट्रिय सहकारीका मूल्य, मान्यता र सिद्धान्तहरुका आधारमा सदस्यहरुमा छरिएर रहेको श्रोत र साधनलाई एकीकृत गरी सदस्यहरुका निर्वाचित प्रतिनिधि द्वारा संचालित एवं प्रजातान्त्रिक पद्धतिबाट नियन्त्रित सहकारी संस्थाको माध्यमद्वारा प्रत्येक सदस्यहरुको आर्थिक, सामाजिक तथा सांस्कृतिक विकासको लागि एक सहकारी संस्थाको गठन गरी संचालन गर्न आवश्यक भएकोले, सुदुर पश्चिम प्रदेश सहकारी ऐन, २०७५ को दफा ३ उपदफा (१) ले दिएको अधिकार प्रयोग गरी आदर्श वहुद्धेश्यीय सहकारी संस्था लिमिटेड नामक संस्था दर्ता गरिएको हो । यो सहकारी संस्था सुदुरपश्चिम प्रदेशको धनगढी उ.म.न.पा वर्डा नं. १८ ,आदर्शचौकमा अवस्थित रहेको छ । यस सहकारी संस्थाको कार्यक्षेत्र धनगढी उ.म.न.पा र कैलारी गा.पा. भित्र रहेको छ । यहाँका जनताहरु स्थानिय स्रोत साधनमा आधारित कृषि पेशा धान ,गहुँ खेतीमा नै निर्भर रहेका छन । यस क्षेत्रका कृषकहरुले विगतका बर्षमा अन्य प्राईभेट विउ कम्पनीसगँ सहकार्य गरि धान, गहुँको विउ उत्पादन गरि त्यसै सगँ खरिदविक्रि को कारोबार गर्दै आईरहेका आधारमा यस सहकारीले पनि स्थानिय तथा उन्नत जातका धान, गहुँको विउ उत्पादन गरि स्थानिय स्तरमा विउविजनको आपुर्ती गर्ने र सहकारीका सदस्यहरुको आय आर्जनमा बृद्धि गरि सहकारी संस्थाको विकास गर्ने उद्देश्य लिई वि.स.२०७८ साल भदौ २० गते सहकारी रजिष्टार कार्यालय सुदुरपश्चिम प्रदेशमा विधिवत दर्ता भई वि.सं.२०७८ असोज १० मा कृषि ज्ञान केन्द्र कैलालीबाट विउ विक्रि वितरणका लागि ईजाजत पत्र लिई गहु तथा धानको विउ उत्पादन कार्य शुरु गरेको छ । र यसकार्यलाई निरन्तरता दिदै जाने योजना वनाएको छ । त्यसका साथै स्थानिय माटो सुहाउदो विउ छनौट का लागि उन्नत धान तथा गहुको डेमो प्लट वनाईएको तथा विभिन्न वालिका रैथाने विउ संरक्षणका प्रयासको सुरुवात समेत गरिसकेको छ । अवका बर्षमा पनि यसै कार्यलाई अझै दिगो तरिकाले विस्तार गर्ने लक्ष्य लिएको छ ।